मी संघ स्वयंसेवक असल्यामुळे साहजिकच माझ्या विचारातून आणि लिखाणातून संघाचा सांस्कृतिक राष्ट्रवाद क्षणोक्षणी डोकावतो. मात्र, फेसबुक वरील काही अजाण लोकांनी या बद्दल भलताच गैरसमज करून घेतला आहे. त्यांच्या मते रेणुकादास मुळेला फेसबुक वर बसून संघाचा प्रचार करण्याचे तासाप्रमाणे पैसे मिळतात. आता या मूढमती मित्रांच्या जावईशोधावर हसावे की त्यांच्या बालिश बुद्धीची कीव करावी असा प्रश्न मला पडलाय. जीवनात कधीच कोणत्या विचारधारेचा पुसटसाही स्पर्श न झालेले लोक असाच समज करून घेणार हे मला समजते. मी संघ विचाराने काम करतो. जगात मार्क्सवाद, गांधीवाद, समाजवाद , लेनिनवाद असे अनेक विचारप्रवाह आहेत. त्या-त्या विचाराने प्रभावित झालेले कार्यकर्ते आपापल्या परीने कार्य करीत आहेत. त्यांच्या विषयी देखील असाच विचार केला गेला तर तो कितीसा समर्थनीय ठरेल ? निश्चितच अश्या गैरसमजाचे कोणीच समर्थन करू शकणार नाही. एखाद्या विचाराने प्रेरित होणे ह्या अनुभूतीची जाणीव ज्यांच्या जीवनास कधी झालीच नाही त्यांना मात्र हे सर्व माफ आहे. अश्याच पैकी एक असावा की ज्याने माझ्या फेसबुक वरील अस्तित्वला पैश्याच्या तराजूत तोलण्याचा बालिश प्रयत्न केला. त्या 'विनोद'वीराला मी समजून घेतले आहे. आणि त्याचा तर्क हा माझ्या आयुष्यातील सर्वात मोठा 'विनोद' ठरला असून त्या विनोदाचा जन्मदाता म्हणून 'खरे' तर तो अभिनंदनास पत्र ठरतो. अभिनंदन मित्रा,........वंदे मातरम !!!
